އީރާނުގެ ބާރުގަދަކަމުން ސިހި، ހަނގުރާމަ ހުއްޓާލުމަށް ޓުރަމްޕު އާދޭސްކޮށްފި
އެމެރިކާގެ ރައީސް ޑޮނަލްޑް ޓުރަމްޕު އީރާނުގެ ކިބައިން ހަނގުރާމަ ކުރުން ކުޑަވަގުތުކޮޅަކަށް ނަމަވެސް ހުއްޓާލަ ދިނުމަށް އާދޭސްކޮށްފައިވާ ކަމަށް ބައިނަލްއަޤުވާމީ މީޑިއާތަކުން ޚަބަރުތައް ފަތުރާފައިވެއެވެ. ޓުރަމްޕު މިކަން ހާމަކުރައްވަމުން ވިދާޅުވީ، މި ހަނގުރާމަ ފެށިއިރު އީރާނަކީ މިހާ ވަރުގަދަ އަދި ހަނގުރާމަވެރި ބައެއްކަމެއް އެމެރިކާއަށް ނޭނގޭ ކަމަށެވެ. މިއީ މެދުއިރުމަތީގެ ސިޔާސީ މައިދާނަށް ބޮޑު ބަދަލެއް ގެނެސްދޭނެ ކަމެއް ކަމަށް ސިޔާސީ ތަޖުރިބާކާރުން ޤަބޫލުކުރައްވައެވެ. އެމެރިކާގެ ރައީސަކު މިފަދަ ބަޔާނެއް ދެއްވުމަކީ ދުނިޔޭގެ ތާރީޚުގައި ވަރަށް މަދުން ނޫނީ ފެންނަ ކަމެއް ނޫން ކަމަށް ވެސް އެ ބޭފުޅުން ފާހަގަކުރެއްވިއެވެ.މިަކމުންވެސް އިނގެނީ އެމެރިކާ ޖެހިލުންވެފަ އޮތް މިންވަރެވެ
އެމެރިކާގެ ރައީސް މިފަދަ ބަހެއް ވިދާޅުވެފައި މިވަނީ، ފާއިތުވި ކުރު މުއްދަތެއްގެ ތެރޭގައި އީރާނުން އެމެރިކާއަށް ދެމުންދާ ހަމަލާތައް ނުރައްކާތެރިވެ، ބޮޑެތި ގެއްލުންތަކެއް ލިބިފައިވާ ދަނޑިވަޅެއްގައެވެ. ޓުރަމްޕު ވިދާޅުވި ގޮތުގައި، މި މަދު ދުވަސްކޮޅުގެ ތެރޭގައި ބަހުރޭން، ކުވައިތު، ސައުދީ އަރަބިއްޔާ، ޔޫއޭއީ، ޤަތަރު، ޖޯޑަން، އިރާގު އަދި އޮމާންގައި ހުރި އެމެރިކާގެ އެތައް މިލިޓަރީ ބޭސްތަކަށް އީރާނުން ވަނީ ފަސްނުޖެހި ބާރުގަދަ ހަމަލާދީ، އެ ބޭސްތައް މުޅިން ފުނޑާލާފައެވެ. މި ހަމަލާތަކުގައި އެތައް ބިލިއަން ޑޮލަރެއްގެ އަގުހުރި، އެމެރިކާގެ އެއާ ޑިފެންސް ސިސްޓަމްގެ މުހިންމު ބައެއްކަމަށްވާ ރާޑަރުތައް ވަނީ ގޮއްވައިލާފައެވެ. މިކަމުގެ ސަބަބުން އެމެރިކާގެ ދިފާޢީ ނިޒާމަށް ބޮޑެތި ގޮންޖެހުންތަކަކާ ކުރިމަތިލާން ޖެހިފައިވާ ކަމަށް އަސްކަރީ މާހިރުން ވިދާޅުވެއެވެ. މި ހަމަލާތަކުގެ ސަބަބުން އެމެރިކާގެ ސިފައިންނަށް ވެސް ބޮޑެތި ގެއްލުންތަކެއް ލިބިފައިވާ ކަމަށް ބައެއް ޚަބަރުތައް ބުނެއެވެ.
މީގެއިތުރުން، އިޒްރޭލަށް އީރާނުން މެދުނުކެނޑި މިސައިލް ހަމަލާތައް ދެމުންދާ ކަމަށް ވެސް ޓުރަމްޕު ފާހަގަކުރެއްވިއެވެ. އިޒްރޭލުގެ ގިނަ ސިޓީތަކަށް އަމާޒުކޮށް އީރާނުން ފޮނުވާ މިސައިލްތަކުގެ ސަބަބުން އެ ޤައުމުގެ ރައްޔިތުންނަށް އަމާންކަމެއް ނެތިފައިވާ ކަމަށް ޚަބަރުތައް ބުނެއެވެ. އިޒްރޭލުގެ "އަޔަން ޑޯމް" ފަދަ ދިފާޢީ ނިޒާމުތަކަށް ވެސް އީރާނުގެ މިސައިލް ހަމަލާތަކަށް ދިފާއު ނުކުރެވޭ ކަމަށް ރިޕޯޓުތައް ބުނެއެވެ. އަދި، ލުބުނާނުގައި ހަރަކާތްތެރިވާ ހިޒްބުﷲ ޖަމާޢަތުން ވެސް އިޒްރޭލަށް ރޮކެޓު ހަމަލާތައް ކެނޑިނޭޅި ދަނީ ދެމުންނެވެ. މި ހަމަލާތަކުގެ ސަބަބުން އިޒްރޭލުގެ ގިނަ ސަރަހައްދުތަކަކަށް ވަނީ ބޮޑެތި ގެއްލުންތަކެއް ލިބި، އެތައް ބަޔަކު ހާލުގައި ޖެހިފައެވެ.
އިރާގުގެ ހާލަތު ވެސް ހުރީ އިންތިހާއަށް ގޯސްވެފައެވެ. އިރާގުގައި ހަރަކާތްތެރިވާ އީރާނަށް ތާއީދުކުރާ ހަނގުރާމަވެރިން އެމެރިކާގެ އަމާޒުތަކަށް ދެމުންދާ ހަމަލާތައް ވަނީ އެތައް ގުނައެއް އިތުރުވެފައެވެ. މި ހަމަލާތަކުގެ ސަބަބުން އެމެރިކާގެ ސިފައިންނަށް ބޮޑެތި ގެއްލުންތަކެއް ލިބެމުންދާތީ، އިރާގު ސަރުކާރުން ވަނީ އެ ޤައުމުގައި ތިބި އެމެރިކާ މީހުން ފޭބުމަށް އަންގާފައެވެ. މިއީ އެމެރިކާގެ ސިޔާސަތަށް ލިބުނު ބޮޑު ނާކާމިޔާބީއެއް ކަމަށް ބައިނަލްއަޤުވާމީ ގުޅުންތަކުގެ މާހިރުން ދެކެއެވެ. އިރާގުން އެމެރިކާ މީހުން ފޭބުމަށް އެންގުމަކީ ސަރަހައްދުގައި އެމެރިކާގެ ނުފޫޒު ދަށްވަމުންދާ ކަމުގެ ސާފު ހެކިކަމަށް ވެސް އެ ބޭފުޅުން ފާހަގަކުރެއްވިއެވެ.
މިކަންކަމާ ގުޅިގެން އީރާނުން ބުނެފައިވަނީ، މި ހަނގުރާމަ ނިންމާނީ އެމެރިކާއާއި އިޒްރޭލަށް ކުރިއަށް އޮތް ތަނުގައި އީރާނަށް އަދި މިސްލިމް އެއްވެސް ޤައުމަކަށް ހަމަލާދޭން ވިސްނުމަށް ވެސް ނުގެންނަ ވަރުގެ ވަރުގަދަ ފިލާވަޅެއް ނަގާދީފަ އެވެ. އީރާނުގެ މި ބަޔާނުން ދައްކުވައިދެނީ އެ ޤައުމުގެ ޢަޒުމާއި ސާބިތުކަމެވެ. އީރާނުގެ ޚާރިޖީ ވަޒީރު ވިދާޅުވީ، އެމީހުންގެ އަމާޒަކީ ދިފާޢީ ހަމަލާތައް ދިނުން ކަމަށާއި، މި ސަރަހައްދުގައި ދެމެހެއްޓެނިވި ސުލްހައެއް ޤާއިމުކުރުމަށްޓަކައި އެއްވެސް ފަރާތަކުން އިސްލާމީ ޤައުމުތަކުގެ ސަރަހައްދީ ބާރުތަކަށް ނުފޫޒު ފޯރުވުން ހުއްޓާލުމަށް ވެސް ގޮވައިލާފައެވެ.
މި ހާދިސާތަކަށް ބަލާއިރު، މެދުއިރުމަތީގެ ސަރަހައްދުގެ ހަމަޖެހުން ވަރަށް ބޮޑަށް ގޯސްވެފައިވާ ކަން ފާހަގަކުރެވެއެވެ. އެމެރިކާ ފަދަ ބާރުގަދަ ޤައުމަކަށް ވެސް އީރާނުގެ ހަމަލާތަކުން ސަލާމަތްވެވޭނެ ގޮތެއް ނުވެ، ރައީސް ޓުރަމްޕު އާދޭސްކުރަން ޖެހުމަކީ ދުނިޔޭގެ ސިޔާސަތަށް އަންނަ ބޮޑު ބަދަލެކެވެ. މި ހަނގުރާމައިގެ ސަބަބުން ސަރަހައްދުގެ ޤައުމުތަކުގެ އިޤުތިޞާދަށް ވެސް ނޭދެވޭ އަސަރުތަކެއް ކުރަމުންދާ ކަމަށް މާހިރުން ބުނެއެވެ. ކުރިއަށް އޮތްތަނުގައި މިކަމުގެ ނަތީޖާ ކޮންގޮތަކަށް ނިމޭނެ ކަމެއް ބުނަން ނޭނގޭ ނަމަވެސް، މިއީ އެ ސަރަހައްދުގެ ތާރީޚުގައި ފާހަގަކުރެވޭނެ އަދި ދިގު މުއްދަތެއްގައި އޭގެ އަސަރު ފެންނާނެ ހާދިސާއެއް ކަމީ ޔަޤީނެވެ. ދުނިޔޭގެ އެހެން ޤައުމުތަކުން މިކަމުގައި ކަންކުރާނެ ގޮތްތަކަށް މިހާރު ދަނީ އިންތިޒާރުކުރެވެމުންނެވެ.
