އެކުވެރިންގެ ދިފާޢުގައި ރަޝިޔާ ހަރަކާތްތެރިވާނެކަމަށް ބުނެ ޕޫޓިން އެމެރިކާއަށް އިންޒާރު ދެއްވައިފި

ރަޝިޔާގެ ރައީސް ވްލެޑިމިއަރ ޕޫޓިން، އެމެރިކާއަށް ވަރުގަދަ އިންޒާރެއް ދެއްވައިފިއެވެ. މި އިންޒާރުގައި ބުނެފައިވަނީ، ރަޝިޔާއާ ގާތްގުޅުމެއް އޮންނަ އެކުވެރި ޤައުމުތަކުގެ ސަލާމަތާއި ރައްކާތެރިކަމަށް ނުރައްކަލެއް ކުރިމަތިވެއްޖެނަމަ، އެ ޤައުމުތައް ދިފާޢު ކުރުމަށްޓަކައި ރަޝިޔާ ސީދާ އަސްކަރީ ގޮތުން ނުކުންނަން ޖެހިދާނެ ކަމަށެވެ. މިއީ މިހާރުވެސް ބައިނަލްއަޤްވާމީ ގުޅުންތަކުގައި ހޫނުކަން އިތުރުވެފައިވާ ދަނޑިވަޅެއްގައި، ދުނިޔޭގެ ސަލާމަތަށް އިތުރު ނުރައްކާތަކެއް ކުރިމަތިވެދާނެކަމުގެ ބިރުވެރިކަން އިތުރުކޮށްލި އިންޒާރެކެވެ.

މިއީ ސީދާ އީރާނަށް ތާއީދު ކުރާކަން އަދި އީރާނުގެ

ދިފާއުގައި ހަނގުރާމަ ކުރަން ޖެހިދާނެ ކަމަށްބުނެ ދެވުނު

ވަރުގަދަ އިންޒާރެއް ކަމަށް ހަނގުރާމަ ކަވަރުކުރާ މުހައްލިލުން

ދެކެއެވެ.

އީރާނާއި އެމެރިކާގެ ގުޅުންތައް އެންމެ ގޯސްވަމުން ދިޔަ ދަނޑިވަޅުގައި ރަޝިޔާ އާއި އީރާނާއި ދެމެދު ވަނީ އެއްގައުމުން އަނެއް ގައުމަށް ކޮންމެ ހާލަތެއްގައިވެސް އެހީތެރިކަން ފޯރުކޮށްދޭނެ އެގްރިމެންޓެއްގައި ސޮއިކޮށްފައެވެ. މިއީ ދެގައުމުގެ ގުޅުން އިތުރަށް ބަދަހިކުރުވި ކަމެކެވެ.

ރައީސް ޕޫޓިންގެ މި ބަސްފުޅުތައް އަމާޒުކޮށްފައިވަނީ، އެމެރިކާއާއި ނޭޓޯ

ގައުމުތައް އަދި އިޒްރޭލަށް ކަމަށް ބެލެވެއެވެ.

ރަޝިޔާއިން އެކުވެރި ޤައުމުތައް ދިފާޢުކުރުމުގެ ނަމުގައި ކުރިންވެސް އަސްކަރީ ހަރަކާތްތައް ހިންގާފައިވާ ތާރީޚެއް ވެއެވެ. 2008 ވަނަ އަހަރު ޖޯޖިޔާގައި ހިންގި ހަރަކާތްތަކާއި، 2014 ވަނަ އަހަރު ޔޫކްރޭންގެ ކްރިމިއާ ރަޝިޔާއާ ގުޅުވުމާއި، އަދި ސީރިއާގެ ހަނގުރާމައިގައި ސަރުކާރަށް އަސްކަރީ އެހީތެރިކަން ދިނުމަކީ މިކަމުގެ މިސާލުތަކެކެވެ. ސޯވިއެޓް ޔޫނިއަން ބައިބައިވުމަށްފަހު، ކުރީގެ ބައެއް ސޯވިއެޓް ޖުމްހޫރިއްޔާތައް ނޭޓޯއާ ގުޅިފައިވާތީ، ޕޫޓިންގެ ސަރުކާރުން މިކަން ދެކެނީ ރަޝިޔާގެ ސަލާމަތަށް އޮތް ބޮޑު ބިރެއްގެ ގޮތުގައެވެ. މި ސަރަހައްދުގައި ހުޅަނގުގެ ނުފޫޒު ގަދަވަމުންދާތީ، ރަޝިޔާއިން އެކަމާ ކުރިމަތިލުމަށް ތައްޔާރުވެފައިވާކަން ޕޫޓިންގެ އިންޒާރުން ދައްކުވައިދެއެވެ.

ދުނިޔޭގެ ގިނަ ޤައުމުތަކުން މިފަދަ އިންޒާރުތަކަށް ބަލަނީ ކަންބޮޑުވުމާއެކުއެވެ.

ރައީސް ޕޫޓިންގެ މި އިންޒާރުން ދުނިޔޭގެ ސަލާމަތަށް އޮތް ނުރައްކާ ހާމަކޮށްދެއެވެ.