ޓްރަމްޕަށް އިޓަލީގެ ބޮޑުވަޒީރުގެ ވަރުގަދަ ރައްދު: ހޮރްމުޒް ނުރައްކާތެރި ތަނަކަށްވީ ޓްރަމްޕާއި ހެދި
އިޓަލީގެ ބޮޑުވަޒީރު، އެމެރިކާގެ ރައީސް ޑޮނަލްޑް ޓްރަމްޕަށް ވަރުގަދަ ރައްދެއް ދެއްވައިފިއެވެ. މި ރައްދުގައި ޔޫރަޕުގެ ގައުމުތަކުގެ މިނިވަންކަން ދިފާޢު ކުރައްވައި، ހޯރމުޒް ކަނޑުއޮޅީގެ ސަލާމަތަށް އުފެދިފައިވާ ނުރައްކަލުގެ ޒިންމާ އެމެރިކާގެ ބޮލުގައި އެޅުއްވިއެވެ. އިޓަލީގެ ބޮޑުވަޒީރުގެ މި ބަސްފުޅުތަކުން ދައްކުވައިދެނީ، އެމެރިކާއާއި ޔޫރަޕުގެ ބޮޑެތި ގައުމުތަކުގެ ދެމެދުގައި ހާރިޖީ ސިޔާސަތުގެ އުފެދިފައިވާ ހިޔާލު ތަފާތުވުންތަކުގެ ތެރެއިން އާދަޔާޚިލާފު ބޮޑު ތަފާތެކެވެ.
، އެމެރިކާގެ ރައީސްކަމުގެ މަގާމު ފިޔަވައި އެހެން އެއްވެސް ގައުމެއްގެ ރައީސަކީ ޓްރަމްޕް ނޫންކަން އިޓަލީގެ ބޮޑުވަޒީރު ވަނީ ޓްރަމްޕަށް ހަނދާންކޮށްދެއްވާފައި. އެގޮތުން، އިޓަލީ، ފަރަންސޭސިވިލާތް ނުވަތަ ޖަރުމަނުވިލާތުގެ ރައީސަކަށް ޓްރަމްޕް ނުވާކަމަށާއި، މި ގައުމުތަކުގެ އިސްތިގުލާލާއި މިނިވަންކަމާ ގުޅޭ ނިންމުންތައް ނިންމުމުގެ އެއްވެސް ބާރެއް ޓްރަމްޕަށް ލިބިގެންނެއް ނުވާކަމަށް ބޮޑުވަޒީރު ވިދާޅުވިއެވެ. މި ބަސްފުޅުތަކުން ހާމަވަނީ، އެމެރިކާގެ ރައީސް ޔޫރަޕުގެ ގައުމުތަކުގެ ދާޚިލީ ނުވަތަ ޚާރިޖީ ސިޔާސަތުތަކަށް ނުފޫޒު ފޯރުވުމަށް މަސައްކަތްކުރުމަށް އިޓަލީން ދެކޮޅު ހަދާކަމެވެ. ޔޫރަޕުގެ ގައުމުތަކުގެ ޤައުމީ ހުކޫމަތާއި މިނިވަންކަމަށް އިޙްތިރާމް ކުރުމަކީ ބައިނަލްއަޤްވާމީ ގުޅުންތަކުގެ އެންމެ އަސާސީ އެއް އުސޫލުކަން އިޓަލީން ވަނީ ފާޅުކޮށްފައެވެ.
ހޯރމުޒް ކަނޑުއޮޅީގެ ސަލާމަތްތެރިކަން ގެއްލި، އެ ތަނަކީ ނުރައްކާތެރި ތަނަކަށް ވެގެންދިޔައީ އީރާނާ ދެކޮޅަށް އެމެރިކާއިން ކުރަމުންދާ ހަނގުރާމައިގެ ސަބަބުންކަމަށް އިޓަލީގެ ބޮޑުވަޒީރު ތުހުމަތު ކުރެއްވިއެވެ. ދުނިޔޭގެ ތެޔޮ ފޮނުވާ އެންމެ މުހިންމު އެއް މަގު ކަމުގައިވާ ހޯރމުޒް ކަނޑުއޮޅީގެ ސަލާމަތަށް ބުރޫއެރުމަކީ މުޅި ދުނިޔޭގެ އިޤްތިސާދަށް ނޭދެވޭ އަސަރުކުރާނެ ކަމެކެވެ. އިޓަލީގެ ބޮޑުވަޒީރު ވަނީ ޓްރަމްޕް އީރާނާ ދެކޮޅަށް ކުރައްވާ ކަންކަމުގައި އިޓަލީން ބައިވެރިއެއް ނުވާނެކަން ހާމަކުރައްވާފައެވެ. އަދި، ތެޔޮ އުފުލާ ބޯޓުފަހަރަށް ކުރިން އޮތް ފަދަ އަމާންކަމާއި ރައްކާތެރިކަން އަލުން ގާއިމުކޮށްދިނުމަކީ މުޅި ދުނިޔޭގެ ކުރިމަތީގައި އެމެރިކާގެ މައްޗަށް އޮތް ޒިންމާއެއްކަމަށް ބޮޑުވަޒީރު ފާހަގަ ކުރެއްވިއެވެ. މިއީ އެމެރިކާގެ ސިޔާސަތުތަކުގެ ސަބަބުން އުފެދޭ ހަމަނުޖެހުންތަކުގެ ޒިންމާ އެމެރިކާ އުފުލަންޖެހޭނެކަމަށް ޔޫރަޕުގެ ގައުމުތަކުން ދެކޭކަން އަންގައިދޭ ކަމެކެވެ.
އެމެރިކާއިން ނިންމާ ނިންމުންތަކަކީ ރަނގަޅު ނިންމުންތަކަކަށް ވިޔަސް ނުވަތަ ނުބައި ނިންމުންތަކަކަށް ވިޔަސް، އޭގެ ޒިންމާ ވިލާތުގެ ގައުމުތަކުން ނުއުފުލާނެކަމަށް އިޓަލީގެ ބޮޑުވަޒީރު ވިދާޅުވިއެވެ. މީގެ އިތުރުން، ހަމައެކަނި ގެއްލުމާއި ހަލާކު ގެނުވައިދޭ މިފަދަ ހަމަނުޖެހުންތަކުގައި ބައިވެރިވުމަށް އިޓަލީން އިންކާރުކުރާކަން އޭނާ ހާމަކުރެއްވިއެވެ. މި ބަސްފުޅުތަކުން ދައްކުވައިދެނީ، އެމެރިކާގެ ސިޔާސަތުތަކުގެ ސަބަބުން ޔޫރަޕަށް އަންނާނެ ނޭދެވޭ އަސަރުތަކުން ދުރުހެލިވުމަށް އިޓަލީން ބޭނުންވާ މިންވަރެވެ. ޚާއްސަކޮށް، މެދުއިރުމަތީގައި އުފެދޭ ހަމަނުޖެހުންތަކުގެ އަސަރު ޔޫރަޕަށް ފޯރައި، ހިޖުރައިގެ މައްސަލަތައް އިތުރުވެ، އިޤްތިސާދީ ގޮތުން ގެއްލުންތައް ލިބިދާނެ ކަމުގެ ކަންބޮޑުވުން ޔޫރަޕުގެ ގައުމުތަކުން ފާޅުކުރަމުން އަންނަތާ ދުވަސްތަކެއް ވެފައިވެއެވެ.
އިޓަލީގެ ބޮޑުވަޒީރުގެ މި ބަސްފުޅުތަކަކީ އެމެރިކާއާއި ޔޫރަޕުގެ ގުޅުމުގައި އުފެދިފައިވާ ބޮޑެތި މައްސަލަތައް ހާމަވެގެންދިޔަ ކަމެކެވެ. ޔޫރަޕުގެ ގައުމުތަކުން ބޭނުންވަނީ އެމެރިކާގެ ސިޔާސަތުތަކަށް އެއްބަސް ނުވާ ހާލަތްތަކުގައި އެ ގައުމުތަކުގެ މިނިވަންކަން ދެމެހެއްޓުމަށެވެ. ޚާއްސަކޮށް، އެމެރިކާގެ ސިޔާސަތުތަކުގެ ސަބަބުން އުފެދޭ ހަނގުރާމަތަކާއި ހަމަނުޖެހުންތަކުން ޔޫރަޕަށް ލިބިދާނެ ގެއްލުންތަކުން ދުރުހެލިވުމަށް އެ ގައުމުތަކުން ދަނީ ގަދައަޅާ މަސައްކަތްކުރަމުންނެވެ.
