ޝައިޠާނީ ބާރުތަކާ އެކު އެއްގަލަކަށް ނާރާނެ ކަމަށް އީރާނުގެ ރޫޙާނީ ލީޑަރު ވިދާޅުވެއްޖެ
އީރާނުގެ އެންމެ މަތީ ރޫޙާނީ ލީޑަރު، އާޔަތުﷲ އަލީ ޚާމަނާއީ ވަނީ އިޒްރޭލާއި އެމެރިކާ ފަދަ ޝައިޠާނީ ބާރުތަކާ އެއްވެސް އިރެއްގައި އެއްގަލަކަށް ނާރާނެ ކަމަށް ހަރުކަށި ބަސްފުޅުތަކުން ވިދާޅުވެފައެވެ. ސަރަހައްދީ ހަމަނުޖެހުންތަކާއި ދުނިޔޭގެ ސިޔާސީ ގުޅުންތައް ގޯސްވަމުންދާ މި ދަނޑިވަޅުގައި، ޚާމަނާއީގެ މި ބަސްފުޅުތަކަކީ އީރާނުގެ ބޭރުގެ ސިޔާސަތުގެ ހަރުދަނާކަން ދައްކުވައިދޭނެ ބަސްފުޅުތަކެއް ކަމަށް ދުނިޔޭގެ މީޑިއާތަކުން ދަނީ ބުނަމުންނެވެ. އޭނާގެ މި ބަސްފުޅުތަކުން އީރާނުގެ ހިތްހަމަނުޖެހިފައިވާ ފަރާތްތަކަށް ހިތްވަރު ދިނުމުގެ އިތުރުން، އީރާނުގެ އިސްލާމީ އިންގިލާބުގެ އަސާސީ އުސޫލުތަކަށް އެ ގައުމު ފުރިހަމައަށް ތަބާވާނެ ކަމުގެ މެސެޖެއް ދުނިޔެއަށް ދީފައިވެއެވެ.
ޚާމަނާއީ މި ބަސްފުޅުތައް ވިދާޅުވެފައިވަނީ އީރާނުގެ އިސްވެރިންނާއި ރައްޔިތުންގެ ބޮޑު އެއްވުމެއްގައި ދެއްވި ތަގުރީރެއްގައެވެ. އޭނާ ވަނީ ޔަހޫދީ ބާރުތަކާއި އެމެރިކާއަކީ ސަރަހައްދީ ހަމަޖެހުން ނަގާލުމަށް މަސައްކަތްކުރާ ޖަނަވާރުންތަކެއް ކަމަށް ސިފަކުރައްވާފައެވެ.
