އީރާނުގެ ޚާމަނާއީގެ ރަސްމީ ޓްވިޓަރ އެކައުންޓުން ޒަޔަނިސްޓު އިސްރާއީލަށް ހަރުކަށި އިންޒާރެއް
އީރާނުގެ ޚާމަނާއީގެ ރަސްމީ ޓްވިޓަރ އެކައުންޓުން ޒަޔަނިސްޓު އިސްރާއީލަށް ހަރުކަށި އިންޒާރެއް
ދިމިތިރު ސަރަހައްދުގައި ހަމަނުޖެހުންތައް އިތުރުވެފައިވާ ދަނޑިވަޅެއްގައި، އެމެރިކާ އާއި އިޒުރޭލުން ގުޅިގެން ދިން ކަމަށް ބުނާ ހަމަލާތަކަށްފަހު، އީރާނުގެ ރޫޙީ ލީޑަރ ޝަހީދު ސައްޔިދު ޢަލީ ޚާމަނާއީގެ ރަސްމީ ޓްވިޓަރ އެކައުންޓުން ޒަޔަނިސްޓު އިސްރާއީލަށް ވަރަށް ވަރުގަދަ އިންޒާރެއް ދީފިއެވެ. މި އިންޒާރުގައި ބިމުގެ އަޑީގައި މިސައިލެއް ތައްޔާރުކޮށް، ދަތުރުކޮށް، އިސްރާއީލުގެ މަތީގައި ގޮއްވާލާ މަންޒަރު ތަޞައްވަރުކޮށްދޭ ވީޑިއޯއެއް ހިމެނެއެވެ. އަދި ޒަޔަނިސްޓުންނަށް ވަރަށް ބޮޑު ގޯހެއް ހެދުނުކަމަށާއި، އެބައިމީހުންނަށް ގޮތް ހުސްވާނެ ކަމުގެ އިންޒާރެއް ވެސް އެ ޓްވީޓުގައި ވަނީ ދީފައެވެ.
އީރާނުގެ ސުޕްރީމް ލީޑަރުގެ ރަސްމީ ޓްވިޓަރ އެކައުންޓުން މި އިންޒާރު ދިނީ މިރޭގެ ގަޑިއެއްހައި އިރު ކުރިންނެވެ. އެ ޓްވީޓުގައި ހިމެނޭ ވީޑިއޯއިން ފެނިގެންދަނީ ބިމުގެ އަޑީގައި ވަރުގަދަ މިސައިލެއް ތައްޔާރުކޮށް، އެތަނުން ފޮނުވާލުމަށްފަހު ދުރުތަނަކަށް ދަތުރުކޮށް، އެންމެ ފަހުން އިސްރާއީލުގެ ޓެރިޓަރީގެ މަތީގައި ބޮޑު ގޮވުމެއް ގޮވާލާ މަންޒަރެވެ. މި ވީޑިއޯ އަކީ އިސްރާއީލަށް އީރާނުން ދިން ވަރަށް ސާފު އަދި ސީދާ އިންޒާރެކެވެ. މީގެ އިތުރުން ޓްވީޓުގައި ލިޔެފައިވާ ބަސްތައް ވެސް ވަރަށް ހަރުކަށިކަން ފާހަގަކުރެވެއެވެ.
