އީރާނުގެ ޙަމަލާތަކުން އިޒުރޭލާއި އެމެރިކާއަށް 'ނޭވާ ނުލެވޭ' ހާލަތް، ދުނިޔޭގެ ބާރުވެރިކަން އެމެރިކާއަށް ގެއްލެނީ

އީރާނުގެ ޙަމަލާތަކުން އިޒުރޭލާއި އެމެރިކާއަށް 'ނޭވާ ނުލެވޭ' ހާލަތް، ދުނިޔޭގެ ބާރުވެރިކަން އެމެރިކާއަށް ގެއްލެނީ

ހަނގުރާމަ ފެށުނު ފަހުން އިޒުރޭލާއި އެމެރިކާއަށް އީރާނުން ދެމުން ގެންދާ ހަމަލާތައް އިތުރުވެ، ދެ ޤައުމަށް ވެސް ބޮޑެތި ގެއްލުންތަކެއް ލިބިފައިވާ ކަމަށް އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައި.އާރް.ޖީ.ސީ.) އިން ހާމަކޮށްފިއެވެ. މި ހަމަލާތަކުގެ ސަބަބުން ދުނިޔޭގެ ސިޔާސީ މައިދާނުގައި އެމެރިކާއަށް އޮންނަ ބާރުވެރިކަން ދަށްވަމުންދާ ކަމަށް ވެސް ރިޕޯޓުތައް ބުނެއެވެ. އައި.އާރް.ޖީ.ސީ. އިން ބުނި ގޮތުގައި، މިހާތަނަށް އެމެރިކާ އާއި އިޒުރޭލުގެ މަސްލަހަތު ހިމެނޭ ތަންތަނަށް 4300 ޙަމަލާ ދީފައިވާއިރު، އޭގެތެރޭގައި 700 މިސައިލް ޙަމަލާ ވެސް ހިމެނެއެވެ. މި ހަމަލަތަކުގެ ސަބަބުން އެމެރިކާއާއި އިޒްރޭލުން އަންދާޒާ ކުރެވިފައި ނުވާ މިންވަރަށް ބޮޑެތި ގެއްލުންތަކެއް ލިބިފައިވާކަމަށް ވެސް އީރާނުން ބުނެއެވެ.

އީރާނުން ދެމުންގެންދާ މި ޙަމަލާތަކަކީ ހަމައެކަނި އަސްކަރީ މަރުކަޒުތަކަށް އަމާޒުކޮށް ދީފައިވާ ޙަމަލާތަކެއް ނޫނެވެ. އެހެންކަމުން، މި ޙަމަލާތަކުގެ ސަބަބުން ދެ ޤައުމުގެ ވެސް އެކި ދާއިރާތަކަށް އަސަރުކޮށްފައިވެއެވެ. ޚާއްސަކޮށް މިސައިލް ޙަމަލާތަކުގެ ސީރިއަސްކަން ބޮޑެވެ. އާދައިގެ ހަމަލާތަކަށްވުރެ މިސައިލް ޙަމަލާތައް ފޮނުވުމަށް ބޮޑެތި ޚަރަދުތަކެއް ކުރަންޖެހޭއިރު، އެފަދަ ޙަމަލާތައް ދެމުންދަނީ ބޮޑެތި އަސްކަރީ ލަނޑުދަނޑިތަކަށް ނުވަތަ އިގްތިސާދީ ގޮތުން މުހިންމު ތަންތަނަށެވެ. މިހާ ގިނަ އަދަދެއްގެ މިސައިލް ޙަމަލާތަކެއް ދީފައިވުމުން، އެމެރިކާއާއި އިޒްރޭލުގެ ދިފާއީ ނިޒާމުތަކަށް ކުރިމަތިވި ގޮންޖެހުންތަކާއި، ލިބުނު ގެއްލުންތަކުގެ މިންވަރުގެ ސީރިއަސްކަން ދައްކުވައިދެއެވެ. އީރާނުން ވަނީ މި ހަމަލާތައް ބޭނުންކޮށްގެން ސަރަޙައްދުގައި އެ ޤައުމުގެ އަސްކަރީ ބާރާއި ނުފޫޒު ދައްކާލާފައެވެ.

އީރާނުން ބުނެފައިވާ ގޮތުގައި، މި ހަމަލާތަކުގައި އެމެރިކާއާއި އިޒުރޭލުން އަންދާޒާ ކުރެވިފައި ނުވާ މިންވަރަށް ބޮޑެތި ގެއްލުންތަކެއް ލިބިފައިވޭ. މި ގެއްލުންތަކުގެ ތެރޭގައި އަސްކަރީ އުޅަނދުތަކާއި ތަކެތީގެ އިތުރުން، އިންފްރާސްޓްރަކްޗަރއަށް ލިބުނު ގެއްލުންތައް ވެސް ހިމެނެއެވެ. މީގެ އިތުރުން، މި ހަމަލާތަކުގެ ސަބަބުން ދެ ޤައުމުގެ ރައްކާތެރިކަމުގެ ނިޒާމުތަކުގެ ބަލިކަށިކަން ފަޅާއަރާފައިވާ ކަމަށް ވެސް ބެލެވެއެވެ. ގިނަ އަދަދެއްގެ ހަމަލާތަކެއް ދެމުންދިއުމުގެ ސަބަބުން، ދިފާއީ ހަރަދުތައް އިތުރުވެ، އިގްތިސާދީ ގޮތުން ވެސް ބޮޑެތި ގެއްލުންތަކެއް ދެ ޤައުމަށް ލިބިފައިވާކަމަށް އީރާނުން އިޝާރާތް ކުރެއެވެ. މީގެ ސަބަބުން، އެމެރިކާގެ އަސްކަރީ ބާރުވެރިކަމަށް ދުނިޔޭގެ އެކި ކަންކޮޅުތަކުން ކުރާ އިތުބާރު ވެސް ކުޑަވެގެން ގޮސްފައިވާމިންވަރު މިހާރުވެސް ފެންނަކަމަށް ރިޕޯޓްތައް ބުނެއެވެ

އެމެރިކާއަކީ ދުނިޔޭގެ އެންމެ ބާރުގަދަ ޤައުމުގެ ގޮތުގައި ފާހަގަކުރެވުނު ނަމަވެސް، މިފަދަ ހަމަލާތަކަކީ އެ ޤައުމުގެ ބާރުވެރިކަމަށް ހީނަރުކަމެއް ގެނެސްދޭ ކަމެއް ކަމަށް ސިޔާސީ ތަޖުރިބާކާރުން ބުނެއެވެ. ހަނގުރާމައިގެ ސަބަބުން މެދުއިރުމަތީގައި އެމެރިކާއަށް އޮތް ނުފޫޒު ދަށްވަމުންދާތީ، މިއީ އެ ޤައުމުގެ ގްލޯބަލް ހެޖިމަނީއަށް އުނިކަމެއް ލިބޭ ކަމެއްގެ ގޮތުގައި ބެލެވެއެވެ. ދުނިޔޭގެ އެކި ކަންކޮޅުތަކުގައި އެމެރިކާއިން ދައްކާފައިވާ ބާރުވެރިކަމާއި، ސަލާމަތީ ގޮތުން ދެމުންގެންދާ އެހީތެރިކަމުގެ ގޮތުން ވެސް މި ކަންކަމުގެ އަސަރު ފެންނަމުންދާނެއެވެ. އީރާނުން މި ދެމުންދާ ހަމަލާތަކަކީ، އެމެރިކާގެ ދިފާއީ ނިޒާމުތަކަށް ކުރިމަތިވެފައިވާ ގޮންޖެހުންތައް ހާމަކޮށްދޭ ކަމެއް ކަމަށް ވެސް ވަނީ ފާހަގަކުރެވިފައެވެ. ނަތީޖާއަކީ، ދުނިޔޭގެ ސިޔާސީ މައިދާނުގައި ބާރުގެ ބަދަލުތަކެއް އަންނަކަން ދައްކުވައިދޭ ކަމެކެވެ.

އީރާނުން މި ހަމަލާތައް ދެމުން ގެންދަނީ އިޒުރޭލާއި އެމެރިކާގެ ސިޔާސަތުތަކަށް ރައްދުދިނުމުގެ ގޮތުންނެވެ.

މި ހަމަލާތަކުގެ ސަބަބުން އިޒުރޭލާއި އެމެރިކާއަށް ލިބިފައިވާ ގެއްލުންތަކުގެ ތަފްސީލުތައް އެއްކޮށް ހާމަވެފައި ނުވި ނަމަވެސް، އީރާނުގެ މި ދެމުންދާ ހަމަލާތަކަކީ ދުނިޔޭގެ ސިޔާސީ މައިދާނުގައި ބާރުގެ ބަދަލުތަކެއް އަންނަކަން ދައްކުވައިދޭ ކަމެކެވެ. އެމެރިކާގެ ބާރުވެރިކަން ދަށްވެ، އީރާނުގެ ނުފޫޒު އިތުރުވަމުންދާ މި ދަނޑިވަޅުގައި، މެދުއިރުމަތީގެ ކުރިމަގު ބައްޓަންވާނެ ގޮތާމެދު ސިޔާސީ ތަޖުރިބާކާރުން ދަނީ ކަންބޮޑުވުން ފާޅުކުރަމުންނެވެ.