އީރާނުން އިސްރާއީލުގެ ދައިމޫނާ ނިއުކްލިޔާ މަރުކަޒު ހުންނަ ސަރަހައްދަށް ވަރުގަދަ ހަމަލާތަކެއް ދީ ގިނަ ސައިންޓިސްޓުންތަކެއް މަރާލައިފި
އީރާނުން އިސްރާއީލުގެ އެންމެ މުހިންމު ނިއުކްލިޔާ މަރުކަޒެއް ކަމަށްވާ ދައިމޫނާ ނިއުކްލިޔާ މަރުކަޒު ސަރަހައްދަށް ވަރުގަދަ ހަމަލާތަކެއް ދީފިއެވެ. މެދުއިރުމަތީގެ ނާޒުކު ހާލަތުގައި މިފަދަ ހަމަލާތަކެއް ދީފައިވަނީ އިސްރާއީލުން ފަހުން އީރާނުގެ ނަތަންޒް ނިއުކްލިޔާ މަރުކަޒަށް ދިން ހަމަލާއަކަށް ރައްދު ދިނުމުގެ ގޮތުންނެވެ.
އީރާނުން ދައިމޫނާ ނިއުކްލިޔާ މަރުކަޒަށް އަމާޒުކުރި ހަމަލާތަކުގައި ބޭނުންކޮށްފައިވަނީ ބާރުގަދަ ވޯހެޑްތައް ހަރުކޮށްފައިވާ މިސައިލްތަކެވެ. މި ހަމަލާތަކުގެ މައިގަނޑު އަމާޒަކަށްވީ، އެތަނުގެ މައި ނިއުކްލިޔާ ރިއެކްޓަރަށްވުރެ ބޮޑަށް، އެތަނުގައި މަސައްކަތްކުރާ ޔަހޫދީ ސައެންޓިސްޓުންނާއި އިންޖިނިއަރުން ތިބޭ މައި އިމާރާތްތަކެވެ. އީރާނުގެ ފަރާތުން މި ހަމަލާތައް ދީފައިވަނީ ވަރަށް ރޭވުންތެރިކަމާއެކު ކަމަށާއި، މިސައިލްތަކުގެ މިސްރާބު އެއްވެސް ދަތިކަމެއްނެތި އެކަށީގެންވާ ސަރަހައްދަށް ވާސިލްވެފައިވާ ކަމަށް ޢަސްކަރީ ތަޖުރިބާކާރުން ބުނެއެވެ. އިސްރާއީލުން އީރާނުގެ ނަތަންޒް ނިއުކްލިޔާ މަރުކަޒަށް ދިން ހަމަލާއަށް ރައްދު ދިނުމުގެ ބަދަލު ހިފުމުގެ ގޮތުން މި ހަމަލާތައް ދިނުމުގެ ސަބަބުން ދެ ގައުމުގެ ގުޅުން ވަނީ ކުރިއަށްވުރެ ބޮޑަށް ގޯސްވެފައެވެ.
ލިބިފައިވާ ރިޕޯޓްތައް ބުނާގޮތުން އީރާނުގެ ހަމަލާތަކުގައި ދައިމޫނާ ނިއުކްލިޔާ މަރުކަޒުގެ ދެތިން އިމާރާތް ވަނީ އެއްކޮށް އަނދައި ބިމާ ހަމަވެފައި ވެއެވެ. މިއީ އެތަނުގެ މުހިންމު ބައެއް އޮޕަރޭޝަންތަކަށް ބޮޑު ހުރަހެއް ކުރިމަތިކުރުވާނެ ކަމެކެވެ. މީގެއިތުރުން ސަތޭކަ ވަރަކަށް އިމާރާތަށް ބޮޑެތި ގެއްލުންތަކެއް ލިބި، އަލުން އެތަންތަން ބޭނުން ނުކުރެވޭވަރަށް ހަލާކުވެފައިވާ ކަމަށްވެސް އެ ރިޕޯޓްތަކުގައި ބުނެއެވެ. އިސްރާއީލުން ރަސްމީކޮށް ބުނާގޮތުން ވެސް އީރާނުގެ ހަމަލާތަކުގައި 100 އަށްވުރެ ގިނަ އިމާރާތް ހަލާކުވެފައިވާއިރު، މި ހަމަލާތަކުގައި 8 މީހަކު މަރުވެ 150 މީހުން ޒަޚަމްވެފައިވެއެވެ. މި ހިސާބުތަކުން ދައްކަނީ އީރާނުގެ ހަމަލާތަކުގެ ބާރު ގަދަ ކަމާއި، އެތަނަށް ލިބުނު ގެއްލުންތަކުގެ ބޮޑު މިނެވެ. މިހާ ބޮޑު ގެއްލުމެއް ނިއުކްލިޔާ މަރުކަޒެއްގެ ކައިރީގައި ލިބުމަކީ ބައިނަލްއަޤްވާމީ ފަރާތްތަކުން ވަރަށް ކުށްވެރިކުރާ ކަމެކެވެ.
ޢަސްކަރީ މުޙައްލިލުން ދެކެވަޑައިގަންނަވާގޮތުގައި، އީރާނުން މިހާރު މިވަނީ ޔަހޫދީންގެ ދައިމޫނާގެ މައި މަރުކަޒަށް ހަމަލާދޭން ބޭނުންވާނަމަ އެކަން ފަސޭހައިން ކުރެވިދާނެކަން ސާބިތުކޮށްދީފައެވެ. މިކަމުގެ ސަބަބުން އިސްރާއީލުގެ ސަލާމަތީ ނިޒާމާމެދު ވަނީ ބޮޑެތި ސުވާލުތަކެއް އުފެދިފައެވެ. މީގެއިތުރުން، ހަތް ލޭޔަރުގެ މައްޗަށް ބިނާކޮށްފައިވާ އިސްރާއީލުގެ ވައިގެ ދިފާއީ ނިޒާމުތައް ވެސް މިހާރު ބަލިކަށިވެ، އިސްރާއީލުގެ ވައިގެ ސަރަހައްދުގެ ކޮންޓްރޯލް އީރާނުން ނަގާފައިވާކަން ވެސް މިވަނީ ހާމަވެފައެވެ. ސަރަހައްދީ ސަލާމަތަށް ބަލާއިރު، މިކަމުން ދައްކުވައިދެނީ އީރާނުގެ ޢަސްކަރީ ޤާބިލިއްޔަތު ވަރަށް ބޮޑަށް އިތުރުވެފައިވާ ކަމެވެ. މިކަމުގެ ސަބަބުން މެދުއިރުމަތީގެ ބާރުތަކުގެ މިންގަނޑަށް ބޮޑެތި ބަދަލުތަކެއް އަންނާނެ ކަމަށް މުޙައްލިލުން ލަފާކުރެއެވެ.
އީރާނުގެ ރަސްމީ މީޑިއާ ބުނާގޮތުން، އިސްރާއީލުން ދެން އީރާނުގެ ނިއުކްލިޔާ މަރުކަޒަކަށް ހަމަލާއެއް ދީފިނަމަ، އީރާނުން އިސްރާއީލުގެ ދައިމޫނާ ނިއުކްލިޔާ ރިއެކްޓަރު އެއްކޮށް ގޮއްވާލާނެއެވެ. މިއީ އިސްރާއީލަށް ދިން ސީދާ، ނުރައްކާތެރި އިންޒާރެކެވެ. މި އިންޒާރުގެ ސަބަބުން ދެ ގައުމުގެ ދެމެދުގައި ހަނގުރާމަ ގޯސްވެދާނެކަމުގެ ބިރުވެރިކަން ވަނީ އިތުރުވެފައެވެ. އީރާނުގެ މި ބަޔާނަކީ ކަންކަން ހައްދުން ނެއްޓިގެން ދިޔުމުގެ ކުރީގެ ސިގްނަލެއް ކަމަށް ބައިނަލްއަޤްވާމީ މުޖުތަމަޢުން ދެކެއެވެ.
ދައިމޫނާ ނިއުކްލިޔާ މަރުކަޒަކީ ނިއުކްލިޔާ ހަތިޔާރު އުފައްދާ ތަނަކަށްވާތީ، މިފަދަ ހާލަތެއްގައި އެތަނުން ނިއުކްލިޔާ ރޭޑިއޭޝަން ބޭރުވެދާނެކަމުގެ ބިރުވެރިކަން ވަރަށް ބޮޑެވެ. އެފަދަ ހާލަތެއްގައި އެތައް ބަޔަކު ވަގުތުން މަރުވުމުގެ އިތުރުން، ރޭޑިއޭޝަންގެ ސަބަބުން ކެންސަރު ޖެހި، ގިނަ އަދަދެއްގެ ބަޔަކު ދިގު މުއްދަތެއްގައި މަރުވުމުގެ ނުރައްކާވެސް އެބައޮތެވެ. މިއީ ހަމައެކަނި އިސްރާއީލަށް ނޫން، މުޅި ސަރަހައްދަށާއި، އަދި ދުނިޔެއަށްވެސް ކުރިމަތިވެދާނެ ނުރައްކާތެރި، ދާއިމީ ކާރިސާއެކެވެ. ނިއުކްލިޔާ ރޭޑިއޭޝަނުގެ ސަބަބުން ތިމާވެއްޓަށް ލިބޭ ގެއްލުންތައް ބޮޑުވެ، ދިގު މުއްދަތަކަށް ދިރިއުޅުމުގެ ވެށި ހަލާކުވެގެންދާނެއެވެ.
އީރާނުން ހަމަލާތައް ދިނީ ހަމައެކަނި ދައިމޫނާ ރިއެކްޓަރާ ގުޅިފައިވާ އިމާރާތްތަކަށް އެކަންޏެއް ނޫނެވެ. ދައިމޫނާގެ ކައިރީގައިވާ އިސްރާއީލުގެ އުރާދު ސަރަހައްދަށް ވެސް ވަރަށް ގަދަފަދަ މިސައިލުން ގިނަ ހަމަލާތަކެއް ދީފައިވެއެވެ. އުރާދަކީ އިސްރާއީލުގެ ޢަސްކަރީ ގޮތުން މުހިންމު ސަރަހައްދެއް ކަމަށް ބެލެވެއެވެ. މި ހަމަލާތަކުން ދައްކުވައިދެނީ އީރާނުގެ ހަމަލާތައް ދިނުމުގެ ޤާބިލިއްޔަތު ފުޅާވެފައިވާ މިންވަރާއި، އެ ޤައުމަށް އިސްރާއީލުގެ އެކި ސަރަހައްދުތަކަށް ހަމަލާދިނުމުގެ ކުޅަދާނަކަން ހުރިކަމެވެ.
އީރާނުން ދިން މި ހަމަލާތަކުގެ ސަބަބުން މެދުއިރުމަތީގެ ހާލަތު އިތުރަށް ގޯސްވެ، ދެ ގައުމުގެ ދެމެދުގައި ހަނގުރާމައިގެ ހުޅުގަނޑު ރޯވެދާނެ ކަމުގެ ބިރު ވަނީ ބޮޑުވެފައެވެ. ނިއުކްލިޔާ މަރުކަޒަކަށް ދިން މި ހަމަލާއާއި، އިތުރު ހަމަލާތަކެއް ދީފިނަމަ ނިއުކްލިޔާ ރިއެކްޓަރެއް ގޮއްވާލާނެ ކަމުގެ އިންޒާރަކީ ބައިނަލްއަޤްވާމީ މުޖުތަމަޢުން ކަންބޮޑުވާންޖެހޭ އަދި ވަގުތުން ސަމާލުކަން ދޭންޖެހޭ ކަމެކެވެ. މިހާރު މުޅި ދުނިޔެއަށް ބަލަމުން އަންނަނީ މި ދެ ގައުމުގެ ދެމެދުގައި ހަމަލާތައް ހުއްޓުވައި، ސުލްހައިގެ މަގުން މިކަން ނިންމާލެވޭތޯއެވެ.
