އީރާނުން އިސްރާއީލަށް ހަމަލާތައް ފަށައިފި: ބަދަލުހިފުމުގެ ފެށުމެއް ކަމަށް އީރާނުން ބުނޭ
އީރާނުން އިސްރާއީލަށް ހަމަލާތައް ފަށައިފި: ބަދަލުހިފުމުގެ ފެށުމެއް ކަމަށް އީރާނުން ބުނޭ
ފަލަސްތީނުގެ ރައްޔިތުންނަށާއި މުސްލިމު އުންމަތަށް އިސްރާއީލުން ދެމުންދާ އަނިޔާތަކުގެ ބަދަލު ހިފުމުގެ ގޮތުން، އީރާނުން އިސްރާއީލުގެ އުތުރުގެ އެކި ސަރަހައްދުތަކަށް ވަރުގަދަ މިސައިލު ހަމަލާތަކެއް ދޭން ފަށާފައިވާ ކަމަށް ރިޕޯޓުތައް ބުނެއެވެ. މި ހަމަލާތަކަކީ އިސްރާއީލުގެ އަސްކަރީ މަރުކަޒުތަކާއި މުހިންމު ސަރަހައްދުތަކަށް އަމާޒުކޮށްދިން ހަމަލާތަކެއް ކަމަށް އީރާނުގެ ފަރާތުން ހާމަކުރެއެވެ. މިކަމުގެ ސަބަބުން މި ސަރަހައްދުގެ ސަލާމަތީ ހާލަތު އިތުރަށް ގޯސްވެ، ބައިނަލްއަޤްވާމީ މުޖުތަމަޢުގެ ކަންބޮޑުވުން ވަނީ އިތުރުވެފައެވެ.
އީރާނުން އިސްރާއީލަށް ފޮނުވާލި މި މިސައިލުތަކަކީ ވަރަށް ބާރުގަދަ މިސައިލުތަކެއް ކަމަށް މީޑިއާ ރިޕޯޓުތައް ބުނެއެވެ. އިސްރާއީލުގެ އުތުރުގެ ގިނަ ސަރަހައްދުތަކަކަށް މި ހަމަލާތައް އަމާޒުވެފައިވާ ކަމަށް ޚަބަރު ލިބެއެވެ. މި ހަމަލާތަކުގެ ސީދާ އަސަރުތަކުގެ ތަފްސީލުތައް އަދި ފުރިހަމައަށް ސާފު ނުވި ނަމަވެސް، އިސްރާއީލުގެ ދިފާޢީ ނިޒާމުން މި ހަމަލާތަކަށް ދެމުންދާ ރައްދު ބަލަމުންދާ ކަމަށް މައުލޫމާތު ލިބެއެވެ.
އީރާނުގެ ފަރާތުން މި ހަމަލާތަކާ ގުޅިގެން ނެރެފައިވާ ބަޔާނެއްގައި ބުނެފައި ވަނީ، މިއީ ފަލަސްތީނުގެ ރައްޔިތުންނަށް އިސްރާއީލުން ދެމުންދާ އަނިޔާވެރިކަމާއި، މުސްލިމުންނަށް ކުރިމަތިކުރުވަމުންދާ ލާއިންސާނީ އަމަލުތަކުގެ ބަދަލު ހިފުމުގެ ފެށުމެއް ކަމަށެވެ. އެގޮތުން، މި ހަމަލާތަކަކީ އިސްރާއީލުގެ ޖައްބާރުންނަށް ވޭންދެނިވި އަހުވައެއް ކުރިމަތިކުރުމުގެ ފުރިހަމަ ޔަޤީންކަމާ އެކު ފޮނުވާލި ހަމަލާތަކެއް ކަމަށް އީރާނުން ހާމަކުރެއެވެ. އަދި ޔަހޫދީންނަށް ހައްގު އަދަބު ދޭން ފަށާފައިވާ ކަމަށް ވެސް އީރާނުން ބުނެއެވެ.
އީރާނުގެ ފަރާތުން ހާމަކުރާ ގޮތުގައި، މި ހަމަލާތަކަކީ ފަލަސްތީނުގެ މުޖާހިދުންނާއި ނިކަމެތި ރައްޔިތުންގެ ހިތްތަކަށް ފިނިކަން ލިބޭނެ ދުވަހުގެ ފެށުން ކަމަށާއި، އިސްރާއީލުގެ ބިރުވެރިކަން މިހާރު އެމީހުންގެ އަމިއްލަ ފަސްގަނޑަށް ބާލާފައިވާ ކަމަށެވެ. މިއީ މުސްލިމު އުންމަތުގެ އެތައް ބަޔެއްގެ ހިތްތަކުގައި އަށަގަނެފައިވާ ޝުޢޫރުތަކެއް ކަމަށް ވެސް ފާހަގަކުރެވެއެވެ.
