ޗައިނާއިން އިޒްރޭލަށް ވަރުގަދަ އިންޒާރެއް: ނިއުކްލިޔަރގެ ވާހަކަ ނުދައްކާ ޗާޓުން ފޮހެލާނަން
މެދުއިރުމަތީގެ މަސްރަހު އިތުރަށް ގޯސްވަމުންދާ މި ދަނޑިވަޅުގައި، ޗައިނާއިން އިޒްރޭލަށް ވަރުގަދަ އިންޒާރެއް ދީފައިވާކަން ހާމަވެއްޖެއެވެ. ޗައިނާގެ ސަރުކާރުގެ ސްޕޯކްސްޕާސަން އަދި ސެންޓަރ ފޯ ޗައިނާ އެންޑް ގްލޯބަލައިޒޭޝަންގެ ވައިސް ޕްރެޒިޑެންޓް ވިކްޓަރ ގާއޯ ވިދާޅުވެފައިވަނީ، އިޒްރޭލުން ނިއުކްލިއަރ ހަތިޔާރެއް ބޭނުންކުރުމަށް އެންމެ ހިނދުކޮޅަކަށް ވިސްނާލި ކަމުގައިވިޔަސް، އިޒްރޭލު މި ދުނިޔޭގެ ޗާޓުން ފޮހެލާނެ ކަމަށެވެ. މިއީ ސަރަހައްދީ ހަމަނުޖެހުންތަކުގެ ތެރޭގައި ޗައިނާގެ ސިޔާސަތުތަކަށް އަންނަމުންދާ ބޮޑު ބަދަލެއްގެ ހެކިކަން ފާހަގަކުރެވެއެވެ.
ވިކްޓަރ ގާއޯގެ މި ބަސްފުޅުތަކުން ދޭހަވަނީ، ނިއުކްލިއަރ ހަތިޔާރު ބޭނުންކުރުމާ ދެކޮޅަށް ޗައިނާއިން ދެކޭ ގޮތެވެ. އިޒްރޭލުން ނިއުކްލިއަރ ހަތިޔާރު ބޭނުންކުރުމާ މެދު އެއްވެސް ވިސްނުމެއް ގެންގުޅެފިނަމަ، ދުނިޔޭގެ ބާރުތަކުގެ ފަރާތުން އެކަމަށް އޮތް ބޮޑު އިންކާރެއް ކަމަށް ޗައިނާގެ މި ބަސްފުޅުތައް ތަރުޖަމާ ކުރެވެއެވެ.
މެދުއިރުމަތީގައި އިޒްރޭލުން ހިންގަމުންދާ ލާއިންސާނީ އަމަލުތަކާއި ގުޅިގެން މަސްރަހު ގޯސްވަމުންދާއިރު، ޗައިނާއިން މިހާރު ދަނީ އީރާނަށް އަސްކަރީ ގޮތުން ބޮޑެތި އެހީތަކެއް ފޯރުކޮށްދެމުންނެވެ. މި އެހީތެރިކަމާއެކު އީރާނުގެ އަސްކަރީ ގާބިލުކަން އިތުރުވެފައިވާއިރު، މިއީ އެ ސަރަހައްދުގައި އިޒްރޭލާއި އެމެރިކާގެ ނުފޫޒު ކުޑަކުރުމަށް ޗައިނާއިން އަޅަމުންދާ ފިޔަވަޅެއްގެ ގޮތުގައި ބެލެވެއެވެ. ޗައިނާއިން އީރާނަށް އެހީތެރިކަން ފޯރުކޮށްދިނުމަކީ ސަރަހައްދުގެ ބާރުގެ ގުޅުން ބަދަލުކުރުމަށް ކުރާ މުހިންމު މަސައްކަތެކެވެ. މިކަމުގެ ސަބަބުން އެމެރިކާއާއި އިޒްރޭލުގެ ސިޔާސަތުތަކަށް ގޮންޖެހުންތަކެއް ކުރިމަތިވެ، ސަރަހައްދީ ހަމަނުޖެހުންތަކުގެ ތެރޭގައި އީރާނުގެ ދައުރު އިތުރަށް ބޮޑުވެގެންދާނެއެވެ.
މި ބަދަލުތަކުގެ ތެރޭގައި، ދުނިޔޭގެ އިގްތިސާދަށް ބޮޑު ނުފޫޒެއް ފޯރުވާ ހޮރްމުޒް ކަނޑުއޮޅި ހުޅުވާލުމާ ބެހޭގޮތުން އީރާނުން ވަނީ ހަރުކަށި ޝަރުތުތަކެއް ކުރިމަތިލާފައެވެ. އީރާނުން ބުނެފައިވަނީ އެ ކަނޑުއޮޅި ފުރިހަމައަށް ހުޅުވާލާނީ ތެޔޮ ގަންނަން ބޭނުންކުރާ ފައިސާ އެމެރިކާ ޑޮލަރުގެ ބަދަލުގައި ޗައިނާގެ ފައިސާ ކަމަށްވާ "ޔުއާން" އަށް ބަދަލުކުރުމުން ކަމަށެވެ. މިއީ ދުނިޔޭގެ ތެޔޮ ބާޒާރަށް ވަރަށް ބޮޑު އަސަރެއް ފޯރުވާނެފަދަ ޝަރުތެކެވެ. އެމެރިކާ ޑޮލަރު ބޭނުންކުރުމަށް ބަދަލުގައި ޔުއާން ބޭނުންކުރުމަށް އީރާނުން ގޮވާލަނީ، ދުނިޔޭގެ އިގްތިސާދުގައި ޗައިނާގެ ނުފޫޒު ބޮޑުކުރުމާއި، އެމެރިކާގެ މާލީ ބާރު ކުޑަކުރުމުގެ މަސައްކަތެއްގެ ގޮތުގައެވެ. މިކަމުގެ ސަބަބުން ބައިނަލްއަގުވާމީ ފައިސާގެ ނިޒާމަށްވެސް ބަދަލުތަކެއް އަންނާނެ ކަމަށް ބެލެވެއެވެ.
ޗައިނާއާއި އީރާނުގެ މި ފިޔަވަޅުތަކުގެ ސަބަބުން މެދުއިރުމަތީގެ ސިޔާސީ އަދި އަސްކަރީ ހަމަޖެހުމަށް ބޮޑު ބަދަލުތަކެއް އަންނަމުންދާކަން ހާމަވެއެވެ. ޗައިނާއިން ސީދާކޮށް އިޒްރޭލަށް އިންޒާރު ދިނުމާއި، އީރާނަށް އަސްކަރީ އެހީތެރިކަން ފޯރުކޮށްދިނުމަކީ، އެމެރިކާއާއި އެމެރިކާގެ އެކުވެރިންގެ ނުފޫޒު ކުޑަކޮށް، ޗައިނާގެ ބާރު އިތުރުކުރުމަށް ކުރާ މަސައްކަތެކެވެ. ހޮރްމުޒް ކަނޑުއޮޅީގެ މައްސަލައަކީ އިގްތިސާދީ ގޮތުންވެސް މުހިންމު މައްސަލައަކަށް ވާއިރު، މިއީ ހަމައެކަނި ސަރަހައްދީ މައްސަލައަކަށް ވުރެ ބޮޑަށް ބައިނަލްއަގުވާމީ މައްސަލައަކަށް ވެގެންދާނެއެވެ.
ޗައިނާގެ މިހާރުގެ ސިޔާސަތުތަކުން ދައްކުވައިދެނީ ބައިނަލްއަގުވާމީ މައްސަލަތަކުގައި ޗައިނާއިން އިތުރަށް ހަރަކާތްތެރިވެ، ދުނިޔޭގެ ބާރުގެ ގުޅުން އަލުން ބަދަލުކުރުމަށް މަސައްކަތް ކުރާނެ ކަމެވެ.
