އެމެރިކާއިން އިރާނަށް އަރައިފިނަމަ، އިރާނަށް އެހީތެރިވުމަށް ޗެޗްނިޔާގެ އަސްކަރީ ޔުނިޓްތައް ތައްޔާރުކަމަށް ބުނެފި
އިރާނަށް އެމެރިކާގެ އެއްގަމު ސިފައިން އަރައިފިނަމަ، އެ ޤައުމުގެ ސިފައިންނަށް އެހީތެރިވުމަށް ރަޝިޔާގެ ބައެއްކަމަށްވާ ޗެޗްނިޔާގެ އަސްކަރީ ޔުނިޓްތަކުން ތައްޔާރަށް ތިބިކަން އިއުލާންކޮށްފިއެވެ.
އޭނާގެ މި އިއުލާނުގައި ވަނީ، އެމެރިކާއިން އިރާނަށް އެއްގަމު މަގުން ހަމަލާދޭން ނިންމައިފިނަމަ، ޗެޗްނިޔާގެ ހަނގުރާމަވެރިން އިރާނުގެ ދިފާޢުގައި ނުކުންނަން ތައްޔާރަށް ތިބިކަމަށް ވިދާޅުވެފައެވެ. މިފަދަ ބަޔާނެއް ނެރެފައިވަނީ، އިރާނާއި އެމެރިކާއާ ދެމެދު މިހާރުވެސް ނުތަނަވަސްކަން ބޮޑުވެފައިވާ ދަނޑިވަޅެއްގައެވެ.
ޗެޗްނިޔާއަކީ ރަޝިޔާގެ ފެޑެރަލް ސަރަހައްދެއްގެ ގޮތުގައި އޮންނަ ބައެކެވެ. އެހެންކަމުން، ޗެޗްނިޔާއިން މިފަދަ އިއުލާނެއް ކުރުމަކީ ރަޝިޔާގެ ބޭރުގެ ސިޔާސަތާ ގުޅިފައިވާ ކަމެއްގެ ގޮތުގައި ބެލެވެއެވެ. ރަޝިޔާއާއި އިރާނަކީ މެދުއިރުމަތީގެ ބައެއް މައްސަލަތަކުގައި، ހާއްސަކޮށް ސީރިޔާގެ ހަނގުރާމައިގައި، ގާތް ގުޅުމެއް ބާއްވާ ދެ ޤައުމެވެ. މި ގުޅުމުގެ ސަބަބުން، ޗެޗްނިޔާގެ މި ހަރަކާތަކީ ރަޝިޔާއިން އިރާނަށް ދެމުންދާ ސިޔާސީ އަދި އަސްކަރީ އެހީތެރިކަމުގެ ހެއްކެއްކަމަށް ބައެއް ފަރާތްތަކުން ދެކެއެވެ. ނަމަވެސް، މިކަމާ ގުޅިގެން ރަޝިޔާގެ ސަރުކާރުން އަދި ރަސްމީ ބަހެއް ބުނެފައެއް ނުވެއެވެ.
އެމެރިކާއާއި އިރާނާ ދެމެދުގައި ކުރިންވެސް ނިއުކްލިއަރ މައްސަލަތަކާއި، ސަރަހައްދީ ނުފޫޒުގެ ހަނގުރާމަތަކާއި، އަދި އެކި ސިޔާސީ ހިޔާލުތަފާތުވުންތަކުގެ ސަބަބުން ގިނަ ހަމަނުޖެހުންތަކެއް ހިނގާފައިވެއެވެ. އެމެރިކާއިން އިރާނަށް ދަތިކުރުމުގެ ފިޔަވަޅުތައް އަޅައި، އިރާނުގެ ނިއުކްލިއަރ ޕްރޮގްރާމް ހުއްޓުވުމަށް ގިނަ މަސައްކަތްތަކެއް ކޮށްފައިވެއެވެ.
މި އިއުލާނުގެ ސަބަބުން ސިޔާސީ އަދި އަސްކަރީ ގޮތުން ގިނަ ސުވާލުތަކެއް އުފެދެއެވެ. ޗެޗްނިޔާގެ މި ބަޔާނަކީ ހަމައެކަނި ސިޔާސީ ބަޔާނެއްތޯ ނުވަތަ ހަނގުރާމައަށް ތައްޔާރުވުމުގެ ސީރިއަސް އިންޒާރެއްތޯއެވެ؟ އަދި މިފަދަ ހާލަތެއްގައި ޗެޗްނިޔާގެ ހަނގުރާމަވެރިން އިރާނަށް ދާނަމަ، ރަޝިޔާގެ ދައުރު ކޮންމެހެންވެސް ސާފުވާންޖެހޭނެއެވެ. އެއީ، ރަޝިޔާއިން އެކަމަށް ފަހި ކުރާނެ ކަމެއްތޯއެވެ. މިކަމުގެ ސަބަބުން އެމެރިކާއާއި ރަޝިޔާއާ ދެމެދުގައިވާ ގުޅުން އިތުރަށް ހީނަރުވެ، ވާނެއެވެ.
މި އިއުލާން ކޮށްފައިވަނީ ހަމައެކަނި ދުނިޔޭގެ ސިޔާސީ މައިދާނަށް ދޭން ބޭނުންވި މެސެޖެއްގެ ގޮތުގައިވެސް ބެލެވިދާނެއެވެ. އެއީ، އެމެރިކާއިން އިރާނާ ދެކޮޅަށް އިތުރު ހަލަބޮލިކަމެއް ފަށިއްޖެނަމަ، އެކަމުގައި އެމެރިކާއަށް ގިނަ ގޮންޖެހުންތަކެއް ކުރިމަތިވާނެކަމުގެ އިންޒާރެއްގެ ގޮތުގައެވެ.
ޗެޗްނިޔާގެ މި އިއުލާނާއެކު، އިރާނާއި އެމެރިކާގެ މައްސަލަ އިތުރަށް ގޯސްވެ، މި ސަރަހައްދަށް އައު އަސްކަރީ ގޮންޖެހުންތަކެއް ކުރިމަތިވެދާނެކަމަށް ލަފާކުރެވެއެވެ.
