އިޒްރޭލާއި އެމެރިކާއަށް ހިތްދަތި ރެއެއް: ގަލްފުގެ ތެޔޮ މަރުކަޒުތަކަށް ވަރުގަދަ ހަމަލާތަކެއް ދީ ތެލްއަވީވް ބިރުވެރިކަމެއްގެ ތެރެއަށް ވައްޓާލައިފި
އިޒްރޭލާއި އެމެރިކާއަށް ހިތްދަތި ރެއެއް: ގަލްފުގެ ތެޔޮ މަރުކަޒުތަކަށް ވަރުގަދަ ހަމަލާތަކެއް ދީ ތެލްއަވީވް ބިރުވެރިކަމެއްގެ ތެރެއަށް ވައްޓާލައިފި
މެދުއިރުމަތީގެ ސަރަހައްދީ ހާލަތު އިތުރަށް ގޯސްކޮށްލާފި ކަމަށް ބެލެވޭ ބިރުވެރި ހަމަލާތަކެއް މިހާރު ދީފައިވާ ކަމުގެ ރިޕޯޓްތައް ދުނިޔޭގެ މީޑިއާތަކުން ދަނީ އާންމުކުރަމުންނެވެ. މި ހަމަލާތަކުގެ އަމާޒަކަށް ވެފައިވަނީ އެމެރިކާގެ ބޮޑެތި ކުންފުނިތަކުން ފައިދާ ހޯދަމުން އަންނަ ގަލްފުގެ ތެޔޮ އަދި ގޭހުގެ މަރުކަޒުތަކާއި، އިޒްރޭލުގެ ވެރިރަށް ތެލްއަވީވްއެވެ. މިއީ މިހާތަނަށް ދުވަހަކުވެސް މި ސަރަހައްދަށް ދީފައިނުވާ ވަރުގެ ވަރުގަދަ ހަމަލާތަކެއް ކަމަށް ބައިނަލްއަޤްވާމީ މާހިރުން ލަފާކުރައްވައެވެ. މި ހަމަލާތަކުގެ ސަބަބުން އިޒްރޭލުގެ ވެރިންނާއި ރައްޔިތުންނަށް އިންތިހާ ދަރަޖައިގެ ހިތްދަތިކަމެއް ކުރިމަތިވެފައިވާ ކަމަށް ރިޕޯޓްތައް ބުނެއެވެ.
މިރޭ ދިން ހަމަލާތަކުގެ އެންމެ ބޮޑު އަމާޒެއްގެ ގޮތުގައި ފާހަގަކުރެވިފައިވަނީ ގަލްފުގެ ބައެއް ޤައުމުތަކުގައި ހުރި ތެޔޮ އަދި ގޭހުގެ އިންފްރާސްޓްރަކްޗަރއެވެ. މި މަރުކަޒުތަކަކީ ދުނިޔޭގެ ހަކަތަ ފޯރުކޮށްދިނުމުގައި މުހިންމު ދައުރެއް އަދާކުރާ ތަންތަނުގެ އިތުރުން، އެމެރިކާގެ ބޮޑެތި އެނަރޖީ ކުންފުނިތަކުން ބޮޑެތި ފައިދާތައް ހޯދަމުން އަންނަ މަރުކަޒުތަކެކެވެ. ހަމަލާތަކުގެ ސަބަބުން މި މަރުކަޒުތަކަށް ބޮޑެތި ގެއްލުންތައް ވެފައިވާ ކަމަށް ރިޕޯޓްތައް ބުނެއެވެ. ބައެއް މަރުކަޒުތަކުން އަލިފާންގަނޑު އަރަމުންދާ މަންޒަރު ފެންނަ ވީޑިއޯތައް ސޯޝަލް މީޑިއާގައި ދަނީ ދައުރުވަމުންނެވެ. މި ގެއްލުންތަކުގެ ސަބަބުން ދުނިޔޭގެ ތެލުގެ އަގަށް ބޮޑެތި އަސަރުތަކެއް ކުރާނެ ކަމަށް އިގްތިސާދީ މާހިރުން ލަފާކުރައްވައެވެ.
ގަލްފުގެ ތެޔޮ މަރުކަޒުތަކަށް ދިން ހަމަލާތަކާއި އެކު އިޒްރޭލުގެ ވެރިރަށް ތެލްއަވީވްއަށް ވެސް ވަރުގަދަ ހަމަލާތަކެއް ދީފައިވެއެވެ. މި ހަމަލާތަކުގެ ސަބަބުން ތެލްއަވީވްގެ ގިނަ ސަރަހައްދުތަކުން ބޮޑެތި ގޮވުންތައް އިވިފައިވާ ކަމަށާއި، އާބާދީގެ ތެރޭގައި ބިރުވެރިކަމާއި ނުތަނަވަސްކަން އިންތިހާއަށް އުފެދިފައިވާ ކަމަށް އިޒްރޭލު މީޑިއާތަކުން ރިޕޯޓްކުރެއެވެ. ބައެއް ސަރަހައްދުތަކުން އަލިފާން ރޯވެ، ޢިމާރާތްތަކަށް ގެއްލުންތައް ލިބިފައިވާ ކަމަށް ވެސް ވަނީ މައުލޫމާތު ލިބިފައެވެ. އިޒްރޭލުގެ ދިފާއީ ބާރުން ވަނީ ރައްޔިތުން ރައްކާތެރި ސަރަހައްދުތަކަށް ދިއުމަށް އިލްތިމާސްކޮށްފައެވެ. މި ހަމަލާތައް ދީފައިވަނީ އިޒްރޭލުގެ ދިފާއީ ނިޒާމަށް ވެސް އެއްވެސް ގޮތަކުން ހުއްޓުވުމެއް ނެތި ކަމަށް ބެލެވޭތީ، މިއީ އިޒްރޭލުގެ ސަލާމަތީ ކަންކަމާ މެދު ބޮޑެތި ސުވާލުތަކެއް އުފައްދާ ހަމަލާތަކެކެވެ.
