ފައިނޭންސިންގ ލިމިޓް އިތުރުކޮށް ގެސްޓްހައުސް އަދި ގެސްޓްރޫމް ފައިނޭންސިންގ ތައާރަފްކޮށްފި

އެސްއެމްއީ ޑިޖިޓަލްއިން ރާއްޖޭގެ ރަށު ފަތުރުވެރިކަން ކުރިއެރުވުމަށް، އިސްލާމީ ޝަރިއާގެ އުސޫލުތަކާ އެއްގޮތަށް 'ގެސްޓްހައުސް ފައިނޭންސިންގ' އަދި 'ގެސްޓްރޫމް ފައިނޭންސިންގ' ތައާރަފުކޮށްފިއެވެ. މި ދެ ޕްރޮޑަކްޓްގެ މަގުސަދަކީ އާންމު ފަރުދުންނާއި ވިޔަފާރިތަކަށް މާލީ އެހީތެރިކަން ފޯރުކޮށްދީ، ރަށު ފަތުރުވެރިކަމުގެ ދާއިރާ ހަރުދަނާކޮށް ފުޅާކުރުމެވެ. ގެސްޓްހައުސް ފައިނޭންސިންގ އަކީ 10 މިލިއަން ރުފިޔާއާ ހަމައަށް 6 ކޮޓަރީގެ ގެސްޓްހައުސް އިމާރާތްކުރުމަށް ނުވަތަ ތަރައްގީކުރުމަށް ދޫކުރާ ފައިނޭންސިންގއެކެވެ. ގެސްޓްރޫމް ފައިނޭންސިންގ އަކީ 1.5 މިލިއަން ރުފިޔާއާ ހަމައަށް 5 ކޮޓަރިއަށްވުރެ ގިނަނުވާ ހޯމްސްޓޭ ނުވަތަ ލޯކަލް ގެސްޓްހައުސްތައް ފުޅާކުރުމަށް ދޫކުރާ ފައިނޭންސިންގއެކެވެ. ދެ ފެސިލިޓީއަށްވެސް މަޝްރޫއު ހަރަދުގެ %20 އަމިއްލަ އަތުން ހަމަޖައްސަންޖެހެއެވެ.